TIWIZI offers support to mak's 3rd congress

The following is the message TIWIZI sent to MAK as it holds its 3rd congress on Feb 26, 2016 in At-Zellal, Kabylia.
​
Azul fellak a gma Buɛziz, azul ɣef imeɣnasen/timeɣnasin n MAK akken llan
 
Ɣef yisem-iw, d yisem n iɛeggalen n TIWIZI-USA, ssarameɣ timilit agi d-heggam i was n 26 di Furar, ad tili d timilit n umeyyez d usqerdec ara d-isbanen abrid neɣ iberdan deg ara neddu nekni s iqbayliyen am yiwen, i tiltin nneɣ d aɣref.
 
Ayen agi deg d-nelḥa, MAK isban-ed belli ifka leqder i iqbayliyen, i tmurt taqbaylit ak d lḥerma-s. Iqbayliyen akken ma llan ass-a, ilaq ad-ɛeqlen atmaten/tiyesetmatin nsen n MAK, u ad ilin tama-nsen. Ilaq ad ɛeqlen belli abrid n MAK d abrid n teqbaylit, d abrid n tlelli, d abrid ara ɣ-d-yessufɣen si ddaw uzaglu.
 
Ssarameɣ timilit ad tɛeddi di lehna d talwit, yal tameɣnast/ameɣnas a d-yawi/a d-tawi amur-is ɣer lebni n yimal n teqbaylit. Ɣas yal yiwen s tmuɣli ines, timuɣliyin nneɣ yal ta d timerna ara d-ternu i lebni n wexxam nneɣ, acku iswi d winna, iswi yiwen.
 
Tiddukla TIWIZI tzemrem a d-tinim belli d tacḍaṭ n MAK di Marikan, tettqabal-ed akken tezmer i lebni n teqbaylit. Ɣef yisem-iw, d yisem n yemdukal/timdukal-iw attan ad awen-neqqar belli ɣas akka ur nelli ara yidwen di teswiɛt agi tameqrant, iqerray d wulawen nneɣ yidwen i llan. Nessaram-awen tazmert d tebɣest ad tqablem abrid i -ɣ-yeggunin.
 
S tegmat
Afud i temlilit
Tudert i teqbaylit !

Hsen Larbi
Aselway n Tiddukla